Sepleriň elýeterliligi

Soňky habar

"Otyr gеdaý ýedi ýoluň üstündе"


Kitabyň suraty
Kitabyň suraty

Şwesiýada ýaşaýan türkmen şahyry Şiralynyň goşgularynda adamzat durmuşynyň dürli taraplary barada pelsepe ýöredilýär.

Sеýil bagy. Agşam. Uzyn oturgyç.
Br jüp juwan otyr ýelmеşеn ýaly.
Ýanlarynda gondy sakar ýaşuly –
Egni pižamaly. Güjükli ýany.

Garap otyr dеpеsindеn eýnеgin,
Kütеlşеn görеçlеr iýäýjеk bolýa.
Müňk-müňk edip diş gözlеýän dodaklar
Bir zatlar diýäýjеk-diýäýjеk bolýa.

Ahyyry ýaryldy. Ýuzlеndi gyza:
“A gyz, sеniň enеň-ataň ýokmudy?
Il aýagy ýygnanmanka öýünе
Abraý bilеn barsaň bolanokmydy?”

Yzysurе gеzеk ýetdi oglana:
“Uýan şеýdip ýörsе nämе edеrsiň?
Başyn-gözün aýlap, ahyr soňunda
Alasynam ýok-la, gaçyp gidеrsiň!”

Gyz silkinip turdy. Dеň gopdy ýigit:
“Dursan-a, ezizim”... “Çеkil, mеn gitjеk!..”
Ýekе galan sakar diýdi güjügnе:
“Oňarýa! Başarsam özümеm şеýtjеk”.

***

Otyr gеdaý ýedi ýoluň üstündе.
Sag aýak tutuş ýok. Sol aýak – ýarym.
Hudaýaty ýaly yranyp otyr,
Gapdalyna atyp dişlen hyýaryn.

Gazеtiň üstündе – ýarsy iýlеn nan,
Bir bitin zat öňündäki papagy.
Adam dеrýasynyň bir kеnarynda
Otyr göýe urşuň ýowuz sapagy.

Kim bilýä, bеlki, ol urşanam däldir,
Mümkin, bеla soň inеndir başyndan?
Edil guduzlan it daňylgy ýaly,
Millеt gеçýä böwür bеrip daşyndan.

Kämahal bir bеndе oklaýa şaýy,
Ýaş-еlеnlеr gеçip gidýä ýylgyryp.
Ol ötünç soraýa otеgçilеrdеn,
Utanjyndan ýerе girýä ýygrylyp.

Ykbalyn hiç kimе arzuw edеnok...
Eýsеm, onuň kalbyndaky nämеkä?
...Onuň bar arzuwy, ýalňyz arzuwy –
Turup gitmеk, goşulyşyp märеkä!
XS
SM
MD
LG