22-nji awgustda Aşgabatda «Alfa-Romeo-2015» kubogy ugrunda awtosport ýaryşy geçirildi. Türkmen metbugaty ýaryşa türkmen prezidenti Gurbanguly Berdimuhamedowyň hem gatnaşandygy habar berýär. Ýaryşa gatnaşýanlar Köpetdagyň etegindäki Saglyk ýodasyndan Gökderä baryp, yzyna gelýänçe 57 km uzaklykdaky dag ýoluny geçdi. Döwlet eýeçiligindäki media prezidentiň münen 7 nomerli «Alfa Romeo» awtoulagynyň pellehana birinji bolup gelendigini habar berýär. Wideo türkmen mediasynyň şekilleri esasynda taýýarlandy.