Aşgabatda Garaşsyzlyk baýramçylygyna görülýän taýýarlyk çärelerine şäheriň käbir mekdepleriniň okuwçylarynyň gatnaşdyrylmaýandygy habar berilýär.
Şol bir wagtda Azatlyk Radiosynyň mundan 10 gün çemesi ozal çap eden wideosynda mekdep okuwçylarynyň il içinde “marşirowkalar” diýlip atlandyrylýan bu çärelere gatnaşýandygyny görse bolýar.
Azatlyk Radiosy bu mesele bilen gyzyklanyp, Aşgabatda “marşirowkalaryň” geçirilýän käbir ýerlerine we birnäçe mekdebe aýlanyp gören aşgabatly ýazyjy Amanmyrat Bugaýew bilen söhbetdeş boldy.
