23-nji noýabrda peýda bolan wideoda musulmanlary dinsizleriň kellesini kesmäge çagyrýan gürji erkeginiň ejesi öz oglunda bolup geçen özgerişlige düşünip bilmeýändigini aýtdy. Meri Iremadze Azatlyk radiosynyň Gürji gullugynyň habarçysy Nata Imedaişvili bilen söhbetdeşlikde öz ogly Badri Iremadzä gahar-gazabyny bildirdi. Söhbetdeşlik 25-nji noýabrda, Gürjüstanyň Guria sebitiniň Nasakirali obasynda geçirildi.