Mary welaýatynyň Serhetabat etrabynyň golaýyndaky Çemenebit stansiýasyndaky otly liniýasynyň biri sökülip aýryldy. Mundan ozal gürrüňi edilýän demirýol liniýasy arkaly otly wagonlarynda obalara suw getirilýändigi habar berilýär.
Emma demirýol liniýasynyň sökülmegi netijesinde obalara barýan suwuň kesilendigi aýdylýar. Ýaşaýjylaryň bolsa, indi golaý-goltumdaky etraplardan öz hasaplaryna suw getirýändigi bellenilýär.
Azatlyk Radiosy bu demirýol liniýasynyň sökülmegi we onuň ýaşaýjylara ýetiren täsirleri barada Türkmenistandaky habarçysy Röwşen Çaryýew bilen söhbetdeş boldy.
