Aşgabatda il içinde “pristroýka” diýlip atlandyrylýan jaýlaryň goşmaça gurlan otaglarynyň ýene bir tapgyrynyň ýykylýandygy habar berilýär. Paýtagtyň “Hitrowka” sebitinde ýykylýan bu goşmaça otaglaryň şäheri “abadanlaşdyrmak” çäresiniň çäginde alnyp barylýandygy aýdylýar.
Azatlyk Radiosy Aşgabatda alnyp barylýan nobatdaky ýykyşlyk barada habarçysy Soltan Açylowa bilen söhbetdeş boldy.
