Gyrgyzystanyň prezidenti Almazbek Atambaýew Şanhaý hyzmatdaşlyk guramasynyň tomusda Özbegistanda geçiriljek maslahatyna özüniň gatnaşmajagyny aýtdy.
Atambaýewiň 24-nji martda eden bu beýannamasy gyrgyz-özbek serhediniň dawaly böleginde dartgynlylygyň güýçlenen wagtyna gabat geldi.
Şanhaý hyzmatdaşlyk guramasyna Orsýet, Hytaý, Gazagystan, Gyrgyzystan we Özbegistan girýär. Guramanyň sammitiniň 23-24-nji iýunda Daşkentde geçirilmegi planlaşdyrylýar.
Atambaýew Gyrgyzystanyň hiç haçan uruşa başlamajagyny, emma islendik “agressiýa” jogap bermäge taýýardygyny aýtdy.
18-nji martda Özbegistanyň häkimiýetleri Gyrgyzystan bilen serhetdeş Ala-Buha etrabynda onlarça harbysyny we harby tehnikasyny ýerleşdirdi.
Gyrgyz häkimiýetleri serhede harbylaryny we harby tehnikasyny ibermek bilen jogap berdiler.
21-nji martda taraplar öz harbylaryny serhetden yzyna çekdiler, emma ýagdaý dartgynly bolmagynda galýar.