Türkmenistanda daýhanlar esasan döwlet plany esasynda galla, pagta öndürmek bilen meşgul bolýarlar. Resmi metbugatda berilýän habarlarda döwletiň daýhanlar üçin ähli mümkinçiligi döredýändigi aýdylýar.
Emma Azatlyk radiosy bilen söhbetdeş bolýan kärendeçiler özlerine daýhançylykdan gazanç etmegiň ýyl-ýyldan kynlaşýandygyny aýdýarlar.
Şol bir wagtda bu meseleler barada türkmen metbugatynda maglumat berilmeýär.
Azatlyk radiosynyň Aşgabatdaky habarçysy Soltan Açylowa Mary welaýatynyň Ýolöten etrabynyň «Watan» daýhan birleşiginden özüni Aýmele diýip tanadan kärendeçi bilen söhbetdeş bolup, türkmen daýhanlarynyň iş, gazanç şertleri bilen gyzyklandy.
