Pakistanyň häkimiýetleri 2-nji sentýabrda ýaragly adamlaryň Peşawaryň etegindäki Warsak Dam atly ýeriň golaýynda hristianlaryň ýaşaýan etrapçasyna hüjüm edendigini aýtdy.
General-leýtenant Asim Bajwa hüjümçileriň arasynda azyndan dört sany janyndan geçen hüjümçiniň bolandygyny we harbylaryň “dessine jogap berip”, dört hüjümçiniň ählisini öldürendigini habar berdi.
Azat Ýewropa/Azatlyk Radiosynyň Pakistan gullugynyň habarçysynyň aýtmagyna görä, hüjümde bir raýatyň wepat bolan bolmagy mümkin.
Hüjüm Peşawaryň harbylaryň çagalary üçin mekdebiň golaýynda ýüze çykdy. Bu mekdebe “Talybanyň” 2014-nji ýylda eden hüjümi zerarly 150-den gowrak adam, aglabasy çagalar wepat bolupdy.