Moskwa Ukrainanyň döwlet mediasynyň žurnalistini içalyçylykda aýyplap, tussag edeninden soň, Ukraina Kiýewdäki rus konsulyny çagyrdy.
Ukrianformuň Pariždäki habarçysy Roman Suşçenko Moskwada, 30-njy sentýabrda tussag edildi we soňy bilen içalyçylykda aýyplandy.
Ukrainanyň Daşary işler ministrliginiň sözçüsi Mariana Betsa rus konsulynyň 6-njy oktýabrda, Kiýew resmileriniň žurnalist bilen duşuşmagyna näme üçin rugsat berilmeýändigine düşündiriş almak üçin çagyrylandygyny aýtdy.
“Bu halkara adam hukuklary kanunynyň gös-göni bozulmagy bolup durýar" diýip, Betsa aýtdy.
Orsýetiň Kiýewde ilçisi ýok.
Şu aralykda 30 çemesi ukrain žurnalisti Orsýetiň ukrain paýtagtyndaky ilçihanasynyň öňünde, Suşçenkonyň tutulmagyna garşy protest geçirdi.