Türkmenistan daşary ýurtlaryň diplomatik missiýalarynyň wekillerine Baýramalydaky ýetginjekler türmesine baryp görmäge rugsat berdi.
«Turkmenistan.ru» saýtynyň berýän maglumatyna görä, Germaniýanyň, Fransiýanyň, Italiýanyň, Angliýanyň, ABŞ-nyň diplomatik missiýalarynyň diplomatlary, ÝHHN-nyň Aşgabatdaky merkeziniň, BMG-niň Ösüş programmasynyň we ÝUNISEF-iň wekilleri mary welaýatynda kämillik ýaşyna ýetmedik tussaglaryň saklanylýan koloniýasyna baryp gördüler.
Neşir türkmen IIM-iniň metbugat gullugyna salgylanyp, bu saparyň maksadynyň ýetginjekler koloniýasynyň işi, maddy-tehniki bazasy we ýaş tussaglaryň saklanyşşertleri bilen tanyşmakdan ybarat bolandygyny aýdýar.
Emma daşary ýurt diplomatlarynyň ýaş tussaglaryň saklanyş şertlerine nähili baha berendigi aýdylmaýar.