Sepleriň elýeterliligi

Soňky habar

BMG: Owganystanda 2016-njy ýylda parahat ilatyň arasyndaky heläkçilik 3% artdy


Owganystanyň paýtagtynda parlament binasynyň öňünde bolan goşa bomba partlamasynda wepat bolan adamyň jaýlanyş çäresi, 11-nji ýanwar, 2017.
Owganystanyň paýtagtynda parlament binasynyň öňünde bolan goşa bomba partlamasynda wepat bolan adamyň jaýlanyş çäresi, 11-nji ýanwar, 2017.

BMG Owganystanda raýatlaryň heläk bolmagy bilen bagly ýagdaýlaryň 2016-njy ýylda rekord derejesine ýetip, 11418 adamyň wepat bolandygyny ýa-da ýaralanandygyny aýtdy.

Geçen ýylda Owganystandaky konflikt zerarly jemi 3498 parahat ýaşaýjy wepat boldy we 7920 adam ýaralandy, bu umumy görkeziji geçen ýyl bilen deňeşdirilende 3% ýokarlandy, diýlip BMG-niň Owganystandaky ýardam beriji missiýasynyň 6-njy fewralda çap edilen hasabatynda bellenýär.

Wepat bolanlaryň we ýaralananlaryň üçden bir böleginiň çagalardygy aýdylar.

Parahat ýaşaýjylaryň ölümi we ýaraly bolmagy bilen bagly hadysalaryň 61% hökümete garşy söweşýän “Talyban” we “Yslam döwleti” (YD) ýaly toparlaryň sebäp bolandygy hasabatda aýdylýar.

Habar berlişine görä, Owganystanyň howpsuzlyk güýçleri parahat ýaşaýjylaryň heläk bolmagyna getiren wakalaryň 20%-ne, hökümetiň tarapynda göreşýän toparlar we halkara güýçleri bolsa adam pidalarynyň diňe 2%-ne sebäpkär bolupdyr.

XS
SM
MD
LG