Orsýetiň Kirow şäheriniň sudy oppozision syýasy aktiwist we korrupsiýanyň üstüni açmak boýunça kampaniýany alyp barýan Alekseý Nawalnyny ogurlykda günäli tapdy.
8-nji fewralda sudýa Alekseý Wtyurin Nawalnynyň “jenaýat üçin şertleri gurnandygyny” aýtdy.
Bu aýyplama Nawalnyny döwlet wezipesine dalaş etmäge hukuksyz edýär.
Nawalnyý bilen bilelikde Pýotr Ofitserow hem sud edildi. Emma oňa çykarylan kararyň haçan yglan ediljegi belli däl.
Nawalnyý we Ofitserow agaç öndürýän Kirowles kompaniýasynyň maliýe serişdelerini hyýanatçylykly peýdalanmak aýyplamasynyň esasynda sud edilipdi.
Olaryň ikisi-de özlerine bildirilen aýyplamalary ret etdiler.
Nawalnyý gozgalan işiň syýasy matlaplydygyny aýdýar we onuň esasy maksadynyň 2018-nji ýylyň saýlawlarynda özüniň prezidentlik wezipesine dalaş etmegine päsgel bermekden ybaratdygyny belleýär.
Prokurorlar Nawalnyý üçin bäş ýyllyk we Ofiserow üçin dört ýyllyk şertli tussaglyk jezasyny soradylar.