Türkmenistanlylar ýerli wagt bilen sagat 7-den başlap, nobatdaky prezident saýlawlarynda ses berýärler.
Saýlawda iş başyndaky prezident G.Berdimuhamedowdan başga-da sekiz kandidat iň ýokary döwlet wezipesi ugrunda bäsleşýär.
Türkmen mediasynyň maglumatyna görä, ýerli wagt bilen sagat 11-de saýlawçylaryň 51 prosentden gowragy ses berdi.
Emma Azatlyk radiosynyň ýerli habarçysy Soltan Açylowanyň Aşgabatdan habar bermegine görä, onuň ses beren saýlaw uçastogynda beýle bir aktiwlik görünmeýär.