Russiýanyň sudy “Aeroflotyň” ýolbeleti tarapyndan açylan sud işini ret etdi. Bu ýolbelet Russiýanyň milli howaýollary kompaniýasyny işgärleri beden ölçegine esaslanyp diskriminasiýa etmekde aýyplapdy.
18-nji aprelde Moskwanyň Tuşino etrabynyň sudy Irina Iýerusalimskaýanyň bähbidine karar çykarmak üçin “hiç bir esasyň” ýokdugyny aýtdy.
Iýerusalimskaýa “Aeroflot” howaýollary kompaniýasynyň, onuň aýtmagyna görä, ýolbeletleriň agramy, boýy we egin-eşikleriniň ölçegi baradaky düzgünlerini ýatyrmaga we oňa 1 million rublden gowrak, ýagny 18 müň amerikan dollary möçberinde kompensasiýa töletmäge synanyşýardy.
Şu ýylyň fewral aýynda Iýerusalimskaýa we “Aerolfotyň” başga-da birnäçe ýolbeledi özleriniň daşky gurluşlary zerarly halkara uçuşlaryndan, şol sanda ýokary aýlyk haklaryndan mahrum edilendigi barada suda arza tabşyrypdylar.
“Aeroflot” kompaniýasy gürrüňi edilýän diskriminasiýalary ret edýär.
Covid 19 hökman bar Türkmenistanyň çaginde.