Sepleriň elýeterliligi

Meşhur "Agent 007" 89 ýaşynda aradan çykdy


Roger Moore we aktrisalar Traci Bingham (çepde), Eva Halina Kann kinofestiwalynda 1999-njy ýyl.

Häzir şol ‘agentlerden’ biri aradan çykypdyr. Ýöne, James Bond ebedidir...

"James Bond" kinofilmleriniň baş gahrymanynyň "üçünji inkarnasiýasyny" oýnan Roger Moore 80 ýyllyk sahna durmuşyndan soň dünýäsini täzeläpdir.

Onuň çagalarynyň habar bermegine görä, aktýor "uçran rak keseli sebäpli gysga wagtda aradan çykypdyr".

Moore "James Bond" kinofilmlerinden daşaryn "Mukaddes" (The Saint) we "Öjükdirijiler" (The Persuaders) teleseriallarynda surata düşüpdi.

Roger Moore 12 ýylda 6 sany "James Bond" kinosyna surata düşdi
Roger Moore 12 ýylda 6 sany "James Bond" kinosyna surata düşdi

Aktýor ömrüniň aglaba bölegini ynsanperwer işlerine gönükdiripdi. Ol 1991-nji ýylda UNİCEF-iň hoşmeýilli ilçisi saýlanypdy.

1927-nji ýylda Londonda dünýä inen Roger Moore ilki başda model hökmünde işe başlapdy. Ondan soň "MGM" firmasy bilen 7 ýyllyk şertnama baglanyşypdy.

Moore 1950-nji ýyllarda "Ýarty galan mukam" (Interruped Melody) we "Şanyň ogrusy" (The King’s Thief) atly kinofilmlerde oýnapdy.

Moore 2014-nji ýylda "The Guardian" gazietine beren interwýusynda: "Aktýorlygymyň ilkinji ýyllarynda maňa bagtyň çüwmegi üçin, aktýor edil öz oýnaýan rollary ýaly ukyply, abraýly hem bagtly bolmaly diýýärdiler. Emme men häzir şeýle pikir bilem ylalaşmaýaryn. Meniň bagtym ýüzden 99 göterim çüwdi. Ukybyň bolanda näme, eger pursadynda we wagtynda ulanyp bilmeseň?.."

Oňa meşhur James Bondy oýnamak ilkinji gezek teklip edilende, muňa teleseriallarda oýnan rollary päsgel beripdir.

Moore ol roly ahyrynda 1973-nji ýylda, Connery “James Bond" bolmakdan ýüz öwrensoň kabul edipdir.

Aktýor, şeýlelikde, Britaniýanyň "007 belgili agentini" yzly yzyna 6 ýyl jemi 12 kinofilmde oýnapdyr. Moore 1985-nji ýylda Bond rolundan aýrylan mahaly 58 ýaşynda ekeni.

Ema, haýp, onuň wagty geçipdi

Ahyrky gezek Bond ýaly - "Öldürmäge syn" kinofilmi (1984)
Ahyrky gezek Bond ýaly - "Öldürmäge syn" kinofilmi (1984)

"Adamlar henizem maňa ‘jenap Bond’ diýip ýüzlenýärler. Bu meni ynjytmaýar. Näme üçin biynjalyk etsin, şeýle dälmi?" merhum Moor diýer ekeni.

Ol James Bond rolundan soň käýarym kinofilme surata düşüpdir. Ol köplenç haýyr-sahawat işleri bilen gümra bolupdy. Şa zenan 2003-nji ýylda "Göreşçi" nyşanyny hem oňa alyp barýan şol haýyr-sahawat hem ynsanperwerlik tagallalary üçin beripdi.

Kimiň iň gowy James Bond bolandygy soralan mahaly ol hemişe "Sean Connery" diýip jogap berer ekeni. Ýöne ol soň 2012-nji ýylda öz pikrini üýtgedip “Daniel Craig” diýipdir. Ol özüne gezek gelende bolsa şeýle diýipdir: "Adam ýa arkaýyn, ýa-da azap çekip garraýar. Mende olaryň ikisem boldy".

XS
SM
MD
LG