Türkmenistan ýene bir Boeing 737-800 kysymly uçary satyn alýar we söwda 2014-nji ýylyň aprel aýynda baglaşylan ylalaşygyň esasynda amala aşyrylýar diýip 29-njy aprelde resmi media habar berdi.
Bu täze uçar 160 ýolagça niýetlenýär. Resmi maglumatda uçarlaryň sanynyň ýene artdyryljakdygy aýdylýar.
Türkmenistan Boeing kompaniýasyndan 737-800 kysymly uçary şu ýylyň mart aýynda hem satyn alypdy.
Türkmenistanyň döwlet howa gullugynyň eýeçiliginde 20 çemesi uçar bolup, olar dünýäniň 15 çemesi ýurduna gatnaýarlar.
Türkmenistan 1992-nji ýyldan bäri “Boing” kompaniýasy bilen işleşýär.