Sepleriň elýeterliligi

Soňky habar

AK Tam ABŞ Assadyň dessine çekilmegini talap etmeýär diýdi


ABŞ-nyň prezidenti Donald Trampyň terrora garşy geňeşçisi Tom Bossert

ABŞ Siriýanyň prezidenti Başar al-Assadyň alty ýyl bäri dowam edýän graždan urşundan syýasy çykalga tapmaga synanyşmagy bilen baglylykda onuň dessine wezipeden çekilmegini talap etmez diýip, prezident Donald Trampyň terrora garşy geňeşçisi 20-nji iýulda aýtdy.

“Assadyň başda gitmelidigini aýtmak biz üçin möhüm däl, diýip pikir edýärin” diýip, Tom Bossert Koloradoda Aspen howpsuzlyk forumynda aýtdy.

Ak Tamyň bu pozisiýasy ABŞ-nyň öňki prezidenti Barak Obamanyň syýasatyndan çürt-kesik tapawutlanýar. Obamanyň administrasiýasy Siriýada parahatçylygy ornaşdyrmak üçin syýasy çözgüdiň çäginde Assadyň çekilmegini talap edipdi.

Bossert Siriýada harby däl-de, syýasy çykalganyň zerurdygyny nygtady, şol bir wagtda-da ol Trampyň administrasiýasynyň Siriýanyň Assadyň goly astynda galmagynyň ýurduň parahatçylykly boljagyna umyt bermeýär diýip, hasap edýändigini aýtdy.

Soňky wagtda günbatar döwletleriniň ençemesi Assad babatyndaky pozisiýalaryny gowşadypdy.

Iň soňky teswirler

Iň soňky teswirler
XS
SM
MD
LG