ABŞ-nyň goranmak sekretary Jim Mattis we NATO-nyň baş sekretary Jens Stoltenberg Kabula eden saparynyň dowamynda Owganystana ýardamyň dowam etdirilmegini wada berdiler.
27-nji sentýabrda Owganystanyň prezidenti Aşraf Ghani bilen bilelikdäki metbugat-konferensiýasynda Mattis we Stoltenberg Owganystanyň “gaýdyp terrorçylar üçin jennete öwrülmejegini” aýtdylar.
Stoltenberg NATO-nyň Owganystanyň howpsuzlyk güýçleriniň 2020-nji ýyla çenli maliýeleşdirilmegini kepil geçdi. Ol NATO-nyň Owganystanyň goranmak we howpsuzlyk güýçlerine her ýylda 1 milliard amerikan dollary möçberinde kömek berjekdigini aýtdy.
Owganystanyň Içeri işler ministrligi 27-nji sentýabrda ABŞ-nyň goranmak sekretary Jim Mattis we NATO-nyň baş sekretary Jens Stoltenberg Kabula eden saparynyň dowamynda halkara aeroportunyň oka tutulmagy zerarly bir adamyň wepat bolandygyny we 11 adamyň ýaralanandygyny habar berdi.