Wenezuelanyň demokratik oppozisiýasy Ýewropa Parlamentiniň 2017-nji ýyl boýunça pikir azatlygy ugrundaky Saharow baýragynyň ýeňijisi diýlip yglan edildi.
26-njy oktýabrda kanun çykaryjy organ Wenezuelanyň aglabasy oppozisiýadan ybarat Milli assambleýasyny we latyn amerika ýurdundaky ähli syýasy tussaglary özüniň abraýly baýragy bilen sylaglady.
Wenezuela ençeme aý dowam eden syýasy we ykdysady krizisden ejir çekdi. Prezident Nikolas Maduronyň hökümeti ýurtdaky protestçiler we günbatar döwletleriniň hökümetleri tarapyndan barha awtoritar bolmakda aýyplanýar.
Şu ýylyň mart aýynda Wenezuelanyň Ýokary sudy demokratik ýollar bilen saýlanan Milli assambleýanyň kanun çykaryjylyk güýjüni ýatyryp, ýurduň konstitusiýasyny gaýtadan ýazmak üçin täze bäsdeş assambleýany döretdi.