Gyrgyzystan we Türkmenistan Bişkek bilen Aşgabadyň arasynda göni uçar gatnawyny açmak pikirini edýär diýip, Akipres.com neşiri habar berýär.
Neşiriň maglumatyna görä, bu mesele türkmen DIM-niň başlygy Reşit Meredow bilen gyrgyz DIM-niň başlygy Erlan Abdyldaýewiň 11-nji noýabrda Samarkantda, ÝB-Merkezi Aziýa konferensiýasynyň gapdalyndan geçiren duşuşygynda maslahat edildi.
Şeýle-de gepleşiklerde gyrgyz-türkmen gatnaşyklarynyň syýasy, suw-energiýa, medeni we ykdysady ugurlary barada pikir alşyldy.
Diplomatlar söwda gatnaşyklaryny hem ösdürmek ylalaşygyna geldiler diýip, habarda aýdylýar.