Owgan resmileri janyndan geçen bombaçylaryň motorly guran hüjüminde azyndan bäş adamyň öldürilendigini aýdýarlar.
Gündogardaky Nangarhar welaýatynyň gubernatorynyň sözçüsi 3-nji dekabrda Jelalabat stadionynda guralan hüjümde sekiz adamyň ýaraly bolandygyny aýtdy.
Attahullah Khogyani bu partlamanyň hökümet tarapdarlaryndan doldurylan stadionda hökümetiň goldawyna geçirilen ýygnanyşykdan soň bolandygyny aýtdy.
2-nji dekabrda Jelalabatda aňtaw gullugynyň iki agzasy, şol sanda Jelalabadyň aňtaw gullugynyň direktory bomba hüjümleriniň pidasy boldy. Bu hüjümler “Yslam döwleti” ekstremist toparynyň Jelalabatdaky agzalaryndan görülýär.
Hususy tele-radio stansiýasynyň golaýynda bolan partlamalarda 10 adam, şol sanda esgerler we graždan adamlar ýaralandy.