Sepleriň elýeterliligi

Soňky habar

Arap şeýhleri Marsa ekspedisiýa ibermekçi


Mars planetasy

CNN neşiriniň habar bermegine görä, 2014-nji ýylda döredilen Birleşen Arap Emirlikleriniň kosmos gullugynda uly üstünlikli işler amala aşyryldy. Dubaýda ýerleşýän edaranyň merkezinde häzir kosmos barasynda depginli işler alnyp barylýar.

Golaýda Dubaý özüniň has täsin kosmos maksatnamasyny, ýagny 2020-nji ýylda Marsa gurnaljak ilkinji ekspedisiýany halka äşgär edipdir. Maksatnama laýyklykda, 2117-nji ýylda bolsa Marsda ilkinji ýaşaýyş merkeziniň salynmagy göz öňünde tutulýar.

Hatda "Youtube" ulgamynda göz öňünde tutulýan şeýle ýaşaýyş ýerleriniň nusgalary hem köpçülige hödürlendi.

Dubaýyň şeýhleri çölde Marsa meňzeýän synag merkeziniň döredilmegi üçin şu ýylyň sentýabr aýynda 136 million dollar serişde aýrypdyrlar.

Bu dünýädäki şeýle synag merkezleriniň iň ulusy bolar. Marsda nähili ösümlikleriň ösüp biljegi hem ol ýerde synagdan geçiriler.

Birleşen Arap Emirlikleri bu maksatnamanyň ýurtda ylmyň we ykdysadyýetiň hasam kämilleşmegine uly itergi bermegi maksat edinýändigini bildirýär.

Deňeşdirmek üçin aýtmaly bolsa, mysal üçin, Elon Muskyň "SpaceX" atly firmasy Marsa adamy 2024-nji ýylda ibermegi göz öňünde tutýar. NASA-nyň bolsa 2030-njy ýyllaryň başynda şeýle ekspedisiýany durmuşa geçirmek plany bar.

XS
SM
MD
LG