Belarusyň paýtagtynda Türkmenistanyň iki raýaty bikanun gyzyl söwdasy bilen baglylykda tussag edildi.
Içeri işler ministrliginiň Minsk şäheri boýunça baş edarasynyň resmi maglumatyna görä, 26 we 36 ýaşlaryndaky türkmenistanly iki dogan 2-nji fewralda 10 sany göwher daşyny satmakçy bolanda ele salnypdyr. Olaryň gymmatly daşlary 950 amerikan dollaryna satmak isländigi maglumatda aýdylýar.
Habar berlişine görä, Grodno şäherinde gaýybana okaýan türkmenistanlylar 26-njy ýanwarda Belarusa sessiýa barypdyr. Olara garşy Belarus Respublikasynyň Jenaýat kodeksiniň gymmatly metallaryň ýa-da daşlaryň söwdasynyň düzgünini bozmak boýunça 223-nji maddasynyň 1-nji bölegine laýyklykda jenaýat işi gozgaldy.