Ermenistanyň protest lideri Nikol Paşiniýan, häkimiýet başyndaky Respbulikan partiýanyň ony 8-nji maýda premýer-ministri saýlamak boýunça geçiriljek ses berilişikde goldap biljekdigini ýaňzdandan soň, üç hepdeläp dowam edýän protestleri togtatmaga çagyrdy.
13-nji aprelden bäri protestlere ýolbaşçylyk eden oppozisiýa syýasatçysy Paşiniýan Respublikan partiýanyň pozisiýasyndaky üýtgeşmeleri gowy garşylady.
Respublikan partiýanyň lideri Wahram Bagdasariýan 8-nji maýda geçiriljek ses berilişige partiýanyň hiç bir dalaşgäri hödürlemejekdigini we parlamentiň üçden biri tarapyndan hödürlenen islendik kandidaty goldajakdygyny yglan etdi.
Paşiniýan öz gezeginde protestçilere ýüzlenip: “Çagalar, siz ertir mekdepleriňize gidiň. Biz protestleri togtadyp, dynç almaly” diýip, çykyş etdi.
Ermeni kanunçylygyna görä, eger-de parlament ikinji ses berilişikde hem premýer-ministri saýlap bilmese, onda parlament dargadylyp, irki saýlawlar geçiriler.
Teswirlesemem çykanok
Halky mal ýaly gabap saklaýalar.Olaň ýüregi daşdanmyka? Bankomatlaň öňinde jebir çekýän adamlary görseň. Şolaryň içinde inwalidler,pensionerler we ýarowsyz adamlarda bar, jokrama yssylarda.Nädip dözip bilýäkalar?