Özbegistana öz garyndaşlaryny görmek üçin baran ABŞ-nyň raýaty terrorçy topara goşulmakda we Owganystanda gozgalaňçylaryň hatarynda söweşmekde güman edilip, saklandy.
Zokir Aliew öz dogduk Kaşkaderýa welaýatynyň Garşy şäherine baran badyna 16-njy iýunda irden tussag edildi diýip, Parižde ýerleşýän “Gyzgyn ýürekliler kluby” atly adam hukuklaryny goraýjy bileleşik habar berdi.
Häkimiýetler Aliýewiň garyndaşlaryna düşündiriş bermediler, emma Döwlet howpsuzlyk gullugynyň 18-nji iýunda çap eden maglumatynda onuň terrorçylyk bilen baglylykda saklnandygy aýdylýar.
Resmi beýanatda Aliýewiň 2000-nji ýylda “Özbegistanyň yslam hereketi” atly gurama goşulan bolmagynyň güman edilýändigi aýdylýar.
“Özbegistanyň yslam hereketi” terrorçy gurama hasaplanýar we ençeme ýurtda, şol sanda Özbegistanda, ABŞ-da, Britaniýada, Awstriýada, Kanadada we Orsýetde gadagan edildi
“Gyzgyn ýürekliler kluby” Özbegistandan 25 ýyl mundan ozal gaýdan 46 ýaşly Aliýewiň prezident Şawkat Mirziýoýewiň 1991-nji ýyldan soň ýurdy terk eden özbekleri çagyrmagynyň yzýany Özbegistana sapar edendigini habar berdi.
Эгер Бердимухаммедов хакыкатдан хем халкынын аладасыны эдйан президент болса , спутник вакцинасыны озлери алмалы ,ягны халкы ынандырмалы хакыкатданам шу вакцинанын хич хили побочный явлениесинин ве противопоказаниесинин екдыгыны субут этмели. Йоне Озлерине витамин урдырып вакцина урдыран ялы болманы ,инуграция доврундаки дунйан онунде эден касамыны , хемде берен вадаларыны ятлап ! Ондан башга-да Германиядан , Америкадан ве Хытайдан гошмача вакцина алмалы мейлетинлер учин ! Дунйаде дине Путин ве Кремльин олигархларындан башга-да адамлар яшаяндыгыны унутмалы дал . Достлыкдан чыкян тебигы байлыкларымызам шолара багыш эдйарлер .Венесуэлин ролыны инди Путин Туркменистанда ойнап , берилен санкциялара гаршы резервлерини беркитйармыка?