Yrakda we Siriýanyň aglaba böleginde “Yslam döwleti” toparynyň harby ýeňlişigine garamazdan, bu ýurtlarda ekstremist toparyň ortaça 20 müňden 30 müňe çenli söweşijisi bar diýlip, Birleşen Milletler Guramasynyň hasabatynda aýdylýar.
13-nji awgustda ýaýradylan hasabatda bu çaklamalaryň hökümetleriň maglumatyna esaslanýandygy bellenilýär. Ýöne onda gürrüňi gidýän hökümetler aýdyňlaşdyrylmaýar.
Söweşijiler Yrak bilen Siriýanyň arasynda deň paýlandy diýlip, “Yslam döwleti” we “Al-Kaýda” garşy sanksiýalara syn edýän ekspertleriň BMG-niň Howpsuzlyk Geňeşine beren hasabatynda aýdylýar.
Ekspertleriň sözlerine görä, “Yslam döwletiniň” esasy söweşijileriniň köpüsi Owganystana ýerleşdi. Bu ýurtda toparyň 3,500-den 4000-e çenli söweşijisi bolup, olaryň sany barha artýar.
Goç ýigitler her bolsa-da watana, millete şöhta getirip bilýär-ow...
Azatlyk düzeldi diýip makala ýazanok, reaksiýa bildirildi diýip makala ýazýar. Metbugat habar berýär, düzetmek adamlaryň öz işi. Ýöne adamlar ýazylan hakykaktlara goldaw bildirip, öz tejribelerini paýlaşslar, häkimiýetlerden talap etseler, käbir meseleler düzelip biler, bu adamlara bagly. Azatlyga bagly däl.