Owgan serhedine golaý ýerde, Demirgazyk Waziristandaky daglykda gizlenýän jeňçileriň bukusyna reýd geçiren pakistan esgerleriniň ýedisi atyşykda wepat boldy diýip, Pakistanyň harbylary aýtdy.
Şeýle-de, Demirgazyk Waziristanyň Gharlamai we Spera Kunar Algad töwereklerinde bolan söweşlerde 9 jeňçi öldürildi diýip, harbylar 22-nji sentýabrda habar berdiler.
Habarda aýdylmagyna görä, jeňçiler Owganystan bilen aradaky serhetden geçip, Pakistana sümüp giripdirler.
Wepat bolan harbylaryň arasynda Pakistan goşunynyň kapitany hem bar.