Orsýet we Eýran “ýakyn geljekde” Kaspi deňzinde harby-deňiz güýçleriniň bilelikdäki türgenleşik okuwlaryny geçirmegi planlaşdyrýar diýip, Eýranyň harby resmisi aýtdy.
Eýranyň “Mehr” habar gullugynyň 6-njy ýanwarda kontr-admiral Hossein Khanzadi sitirläp beren maglumatyna görä, iki ýurt “taktiki, halas ediş we garakçylyga garşy uruş oýunlaryny” geçirmegi planlaşdyrýar.
Şeýle-de Khanzadi “Kaspi ýakasyndaky ýurtlaryň ählisiniň” bu sebitde hazarýaka däl ýurtlaryň harbylarynyň bolmagyna garşy durýandygyny belledi.