Kabulda partlama, atyşyk boldy, hüjümçiler Aragatnaşyk ministrligini nyşana aldy
Ýaragly adamlar 20-nji aprelde, günortana golaý owgan paýtagtynyň merkezindäki Aragatnaşyk ministrligine hüjüm etdiler diýip, resmiler Azatlyk radiosynyň Owgan gullugyna aýtdylar. Polisiýa bombaçynyň ministrligiň daş işiginde özüni partladyp, beýleki hüjümçiler üçin merkezi Kabulda berk goralýan hökümet howlusyna girmäge ýol açandygyny aýtdy. Adamlar wakanyň bolan ýerindäki binanyň töwereginden ewakuasiýa edildi, partlamanyň we atyşygyň jogapkärçiligini bada-bat üstüne alan tapylmady.