Şu günki gepleşigimizde iki sany syýasy waka barada gürrüň ederis. Türkmenistan birnäçe günden esasy döwlet baýramçylygyny Garaşsylyk gününiň nobatdaky ýyldönümini belleýär we onuň öňýany Halk maslahatyny geçirýär. Köpler häzirki pursat öwrülişikli diýip hasap edýärler, üýtgeşiklige garaşýarlar. Bu aýry başga yzly-yzyna gabat gelen syýasy wakalaryň Türkmenistanyň syýasatyna we halkyň durmuşyna täsirleri barada türkmen oppozisiasynyň baýry liderleriniň biri Türkmenistanyň Türkiýädäki we Ysraýyldaky öňki ilçisi Nurmuhammet Hanamow we golaýda döredilen “Türkmenistanyň demokratik saýlawy” DWT hereketiniň lideri Myrat Gurbanow bilen söhbetdeş bolýarys.