Hytaýyň prezidenti Şi Jinping 9-njy dekabrda Saud Arabystanyň paýtagtynda arap liderleri bilen duşuşyk geçirer. Ol muny dünýädäki ykdysady we geosyýasy durnuksyzlyklar döwründäki “möhüm çäre” diýip häsiýetlendirdi.
Bu duşuşyk Şiniň Saud Arabystanyna edýän üç günlük saparynyň soňky gününde geçirilýär.
8-nji dekabrda duşuşyga gatnaşmak üçin Müsüriň lideri Abdel Fattah al-Sisi we Tunisyň prezidenti Kais Saied geldi.
Gepleşiklere Kataryň, Liwanyň, Yragyň dagy liderleriniň hem gatnaşmagyna garaşylýar.