ABŞ-nyň we Merkezi Aziýanyň bäş prezidentiniň indiki sammiti, C5+1 diýlip atlandyrylýan sammit indiki aý Nýu-Ýork şäherinde geçiriler.
Gazagystanyň prezidenti Kasym-Žomart Tokaýew 23-nji awgustda Astanada ABŞ Senatynyň içerki howpsuzlyk we hökümet işleri komitetiniň başlygy, senator Gary Piters (Demokrat-Miçigan) bilen geçirilen gepleşiklerde Merkezi Aziýa liderlerini sammite çagyrandygy üçin prezident Jo Baýdene sagbolsun aýtdy.
Biraz öň berlen habarlarda Baýdeniň sammitiň BMG-niň Baş Assambleýasynyň çäginde, 19-njy ýa-da 20-nji sentýabrda geçirilmegini teklip edendigi aýdylýar.
C5+1 diplomatik sammiti 2015-nji ýyldan bäri birnäçe gezek geçirildi.
