Ýewropa Bileleşiginiň daşary syýasat başlygy Josep Borrell 19-njy martda, Ýewropa Parahatçylyk gaznasy arkaly, ÝB-niň Ýewropada doňdurylan rus emläklerinden gelýän girdejiniň 90 göterimini Ukraina üçin ýarag satyn almakda ulanmagyny teklip etjekdigini aýtdy.
ÝB-niň ýokary derejeli diplomaty Brýusselde žurnalistlere galan 10% serişdäniň, Ukrainanyň goranyş senagatynyň kuwwatyny ýokarlandyrmak üçin, Ýewropa Bileleşiginiň býujetine geçirilmegini teklip etjekdigini aýtdy.
Ol bu teklibi ÝB-niň agza ýurtlaryna 20-nji martda, ÝB sammitiniň başlanmagynyň bir gün öňünden gowşurjakdygyny hem sözüne goşdy.