Owganystanda “Talyban” dolandyryjylarynyň Amyderýanyň akabasynyň ugry boýunça çekýän ägirt uly Koştepe kanalynyň gurluşygynda möhüm heläkçilik ýüze çykdy we ol entegem aradan aýrylmady diýip, rivers.help internet neşiri “Serhetsiz derýalar” halkara ekologiýa koalisiýasynyň ekspertlerine salgylanyp habar berýär.
Bilermenler bu kanalyň Merkezi Aziýa ýurtlarynyň, ilkinji nobatda Türkmenistanyň we Özbegistanyň suw üpjünçiligine howp saljakdygyny duýdurýarlar.
“Serhetsiz derýalar” halkara ekologiýa koalisiýasynyň ekspertleriniň satellit suratlaryny seljermegi netijesinde, kanalyň gidrotehniki gurluşynyň diwarlarynyň suwuň basyşyna çydamazlygy netijesinde, uly mukdardaky suwuň töwerege ýaýrandygy bellenilýär.
Hanasyndan çykan suwuň dokuz kilometre çenli uzaýandygy nygtalýar.
Ekologlar bu soňky heläkçilikli hadysa hasaba alynmasa-da, kanalyň Amyderýanyň 15-20% suwuny aljakdygyny aýdýarlar.
Hünärmenler we synçylar Merkezi Aziýa sebitiniň suw problemasyna öňden bäri alada beýan edip gelýärler. Kimler Merkezi Aziýanyň suw problemasyny geljekde "sebite abanýan iň uly howplaryň” hatarynda agzaýar, kimler bolsa sebitiň suw ýetmezçiligi bilen bagly problemasynyň töweregindäki dowly “suw uruşlary” atlandyrýar.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.
Forum