Eýran Ysraýylyň Siriýa urandygy aýdylýan howa zarbasynyň netijesinde, Yslam Rewolýusiýa Sakçylary Korpusynyň bir agzasynyň heläk bolandygyny tassyklady.
Resmi IRNA habarlar gullugynyň maglumatyna görä, korpusyň “Kuds” güýçleriniň bir agzasy, ýagny Behruz Wahedi Siriýanyň gündogaryndaky Deir al-Zor sebitinde ölüpdir. Maglumatda munuň Ysraýylyň urandygy aýdylýan zarbasy sebäpli bolandygy bellenilýär.
Siriýanyň hökümetine golaý bir media zarbalary urmakda Birleşen Ştatlary aýyplady.
Bular boýunça ne ABŞ, ne-de Ysraýyl beýanat bilen çykyş etdi.
Oktýabrda Gazadaky konflikt başlanaly bäri, Ysraýylyň Siriýa we Liwana amal edendigi öýdülýän zarbalarynyň netijesinde, Yslam Rewolýusiýa Sakçylary Korpusynyň azyndan 11 eýranly agzasy heläk boldy.