Gyrgyzystanyň prezidenti Sadyr Žaparow 2-nji aprelde häkimiýetlere guramalary "daşary ýurt wekilleri" hökmünde hasaba almak mümkinçiligini berýän jedelli kanuna gol çekdi, tankytçylar munuň Russiýanyň "daşary ýurt agentleri" baradaky repressiw kanunçylygyny ýatladýandygyny aýdýarlar.
Žaparow öz Facebook ýazgysynda bu kanunyň daşary ýurtlardan maliýe goldawyny alýan jemgyýetçilik guramalarynyň işini "kadalaşdyrjakdygyny" aýtdy.
Jemgyýetçilik guramalary we hukuk toparlary Žaparowy bu kanun taslamasyna weto goýmaga çagyrypdylar. Olar bu kanunda diňe "daşary ýurt agenti" kanunyň "daşary ýurt wekili" adalgasy bilen çalşylandygyny öňe sürdüler.
Rus häkimiýetleri "daşary ýurt agentleri" baradaky kanuny başga pikirlileri basyp ýatyrmak we bu kanun esasynda bellige alnanlary ynamdan gaçyrmak üçin ulandylar.