Russiýada tussaglykda saklanýan oppozision syýasatçy Ilýa Ýaşin ýekelikdäki kamera ýerleşdirildi. Ol Moskwanyň Ukraina garşy başladan urşuny tankytlany üçin, 8.5 ýyl türmä höküm edilipdi.
Ýaşin ýekelik kamerasyna, ene-atasynyň ony görmek üçin gelmeli günlerine gabat geçirildi.
Ýaşiniň 22-nji maýda Telegram kanalynda ýazmagyna görä, ol 17-nji maýda “irden turmak buýrugy berlenden soňra, baraklary giç terk edendigi üçin” diýen kesgitleme esasynda, 15 gün ýekelik tussaglyga ýerleşdirilipdir.
Ýaşiniň munuň öz ene-atasy bilen türmede planlaşdyrylan üç günlük duşuşygynyň öňüni almak üçin, ýörite matlap bilen edilendigini aýdýar. Ýaşin ene-atasy bilen 20-nji maýda görüşmelidi.