Protestçiler serbiýalylary prezidente soraglaryny ibermäge çagyrýarlar
Müňlerçe serb 9-njy noýabrda paýtagt Belgradda bir ýyla golaý wagt bäri her hepde geçirilýän anti-hökümet ýörişine goşuldy. Protestçiler özleriniň jemgyýetçiligiň serb prezidenti Aleksandar Wusiçden soramak isleýän soraglaryny toplandyklaryny aýdýarlar. Şeýle-de olar sorag ýazylan kagyz topbaklaryny Serbiýanyň jemgyýetçilik radio we telewizion gepleşikleri edarasynyň, RTS-iň girelgesiniň agzynda hem goýdular. Protestçiler bu habar guramasyny hökümetiň tarapyny tutmakda aýyplaýarlar. Bu oppozisiýadaky syýasatçy Borko Stefanowiçe hüjüm edileninden soň, dekabrdan bäri her altynjy gün guralýan protestleriň 49-njysy bolup durýar.