Pentagon Russiýanyň şu aýyň başynda kosmosda satellitlere garşy ýaraglary ýerleşdirendigine “çalym edýändigini” aýtdy. Moskwa muny dessine ret etdi.
21-nji maýda Pentagonyň metbugat wekili Patrik Raýderiň (Patrick Ryder) žurnalistlere aýtmagyna görä, mundan bäş gün öň, ABŞ-nyň hökümet satellitleriniň hem ýerleşýän orbitasyna täze älem ýaragy goýberilipdir.
Raýder, Pentagonyň çykaran netijelerine görä, “bularyň aýratynlyklarynyň 2019-njy we 2022-nji ýyllarda hem kosmosa goýberilen alem-ýarag sputniklerine çalymdaşdygyny” belledi.
“Elbetde, biz öz giňişligimizi – älemdäki giňişligimizi – goramaga taýýar bolmak, şeýle-de Bilelikdäki we Birleşdirilen Güýçlerimize dowamly we üznüksiz goldawyň berilmegini kepillendirmek boýunça jogapkärçiligimiziň bardygyny belleýäris” diýip, Raýder sözüne goşdy.