Russiýanyň Ukrainanyň ikinji iň iri şäheri Harkowyň etegindäki bir myhmanhana uran zarbasy netijesinde 11 adam, şol sanda bir türk žurnalisti ýaralandy. Bu barada regional häkim Oleh Synýehubow 11-nji ýanwarda irden habar berdi.
Ol şikes alanlaryň biriniň ýagdaýynyň agyrdygyny hem mälim etdi.
Synýehubowyň Telegramda ýerleşdiren maglumatyna görä, hüjüm wagty myhmanhananyň içinde 30 sany asuda adam bolupdyr.
Ukrainanyň adatdan daşary ýagdaýlar gullugy zarbada ýaralananlaryň “oteliň işgärleri we myhmanlary bolandygyny” aýtdy.
Harkowyň häkimi Ihor Terekhow myhmanhanada harbylaryň ýerleşdirilmändigini belledi.