Tussaglykda oturan gazak aktiwisti Aýigerim Tileužanowa, öz sözleri bilen aýdylanda, düzediş koloniýasyndaky "hukuklarynyň bozulmagyna” protest bildirmek üçin açlyk yglan etdi.
Aktiwistiň açlyk habaryny onuň egindeşi Marat Turymbetow 10-njy aprelde aýtdy.
Tileužanowanyň ejesi Respublika.kz neşirine beren interwýusynda gyzynyň açlyk yglan etmeginiň sebäbini jeza öýüniň işgärleriniň oňa lukmançylyk kömegini bermekden ýüz öwürmegi bilen düşündirdi.
Tileužanowa iýul aýynda, 2022-nji ýylyň ýanwarynda hökümete garşy guralan görlüp-eşidilmedik demonstrasiýalar mahalynda "Almaty howa menzilindäki köpçülikleýin tolgunyşyklary gurnamak" aýyplamasy bilen, dört ýyl azatlykdan mahrum edildi. Ol özüni günäkär hasaplamaýandygyny aýtdy.