Ysraýylyň goşun başlygy, harbylaryň Gaza zolagynyň içine urýan zarbalaryny güýçlendirmegi bilen, Hamas toparyna garşy alnyp barylýan söweşiň "köp aýlap" dowam etjekdigini duýdurdy.
Gaza zolagyndaky söweşlerde 20 müňden gowrak adamyň öldürilendigi habar berildi.
Gabaw astyndaky territoriýada çuňlaşýan gumanitar krizis bilen bagly aladalar duşmançylygyň bes edilmegi barada edilýän çagyryşlary güýçlendirdi.
Şol bir wagtda, ABŞ we ÝB tarapyndan terror guramasy diýlip kesgitlenen Hamas bilen raýdaşlykda hereket edýän we Eýran tarapyndan goldanylýan toparlar bilen bagly wakalar has giň sebitara konfliktleriniň döremek howatyrlaryny döretdi.
Goşun başlygy Herzi Halewi 26-njy dekabrda söweşiň maksatlaryna "ýetmeginiň aňsat iş däldigini" aýtdy.