Türkmenistan Owganystan, Türkiýe, Ukraina ýaly ýurtlara gaz we elektrik energiýalaryny satýar. Ýaňy ýakynda hem Hytaýa ýylda 65 milliard kubometr gaz akdyrjak şertnama gol goýuldy. Emma muňa garamazdan, şu agzalýan ýurtlara gaz we elektrik energiýasy akdyrylýan regiondan o diýen uzakda ýerleşmeýän käbir oba ýaşaýjylary gaz hem elektrik tok ýetmezçiliginden kösenýärler.
Azatlyk Radiosy gaz ýetmezçiliginiň sebäpleri barada türkmenistanly graždan aktiwisti Nurberdi Nurmämmet bilen söhbetdeş boldy.
