Region görnüşleri #13
Çehiýa, Çeh Budeýowisesi şäherinde maska geýip, Pasha baýramçylygyna gatnaşýan adamlar. 30-njy mart. (Reuters/David Cerny)
Rus kadetleri Moskwada kadet mekdepleriniň ýyllyk ýygnanyşygyna gatnaşýarlar. 30-njy mart. (AFP/Mladen Antonov)
Şem ýakylyp ýazylan "Kemerovo" sözüniň öňünde durup, 25-nji martda Sibiriň Kemerowa şäherindäki söwda merkezinde turan ýangynyň pidalarynyň hatyrasyny tutýan adamlar. Moskwa, Puşkin skeri, 27-nji mart. (AP/Aleksandr Zemlianichenko)
Siriýaly çaga howa zarbalaryndan goranmak üçin ulanylan ýerzemeinde ýokarsyna seredýär. Douma, gündogar Ghouta regiony. (AFP/Hamza al-Ajweh)
Uzak Gündogaryň Wladiwastok şäheri, Orsýet. Kemerowada wepat bolan 64 adamyň hatyrasyna asmana şar uçurýan adamlar. 28-nji mart. (Reuters/Yuri Maltsev)
Pakistan, Peşewar, gurluşyk meýdançasynda demir gözenekleri bir-birine baglaýan işçi. (Reuters/Fayaz Aziz)
Deli, zir-zibil taşlanýan ýeriň içinden bäbegini göterip barýan aýal. (Reuters/Cathal McNaughton)
Yslamçy "Faýlak al-Rahman" topary Moskwa bilen ylalaşyga gelenden soň, goşlaryny ýygnap, ewakuasiýa edilmegine garaşyp oturan siriýalylar. Gündogar Ghouta. (AFP/Mohammed Eyad)
Kosowadaky serb hökümetiniň başlygy Marko Dýurik (Djuric) kosowa polisiýasy tarapyndan tussag edilip, Prisitinada suda alnyp gidilen wagtynda bronly maşynyň içinden başam barmagyny görkezýär. 26-njy mart. (epa-EFE/Valdrin Xhemaj)
Rejissýor Stiwen Spielberg Los Anjelsde "Ready Player One" eseriniň premýerasynda awtografa gol çekýär. 26-njy mart. (Reuters/Mario Anzuoni)
Kemerowada 25-nji martda ýangyn bolup, onlarça adamyň ýogalan ýeri. (Reuters)
25-nji mart, Sibiriň Kemerowa şäherinde turan ýangyna reaksiýa bildirýän adam. (Reuters/Marina Lisova)
Belarusyň 1918-nji ýylda Orsýetden garaşsyzlygyny yglan etmeginiň ýatlama gününe gatnaşyjylar, Minsk, 25-nji mart. (AP/Mark Humphrey)
Moldowa, Kişinýowyň merkezi, Bessarabiýa bilen Rumyniýanyň birleşdirilmeginiň 100 ýyllygyna bagyşlanan ýygnanyşyk mahalynda äpet rumyn baýdagynyň üstünde bökjekleýän gyz. 25-nji mart. (EPA-EFE/Dumitru Doru)