Region görnüşleri #44
Pakistanyň Karaçi şäherinde pakistanly hristianlar "Ähli ruhlaryň" gününde öz hossarlarynyň mazarlaryny zyýarat edýärler. "Ähli ruhlaryň" gününde hristianlar aýatdan öten dostlaryny we dogan-garyndaşlaryny ýatlaýarlar. (epa-EFE/Shahzaib Akber)
El Salwadoryň San Salwador sebitinden 20 kilometr demirgazykda ýerleşýän Tonakatepekede "Ölenleriň gününden" bir gün öň, iki oglan "La Kalabýuza" atly parada gatnaşýar. (AFP/Marvin Recinos)
Kolumbiýanyň Kali sebitinde tansçy "Kaliniň halkara tans bienaliniň" üçünji tapgyrynda çykyş edýär. (epa-EFE/Ernesto Guzman)
Aktrisa Wiktoria Kolesnikowa Russiýanyň "Rostec" korporasiýasy tarapyndan öndürilen täze armiýa sagadynyň çydamlylygyny synagdan geçirýär. (TASS/Anton Novoderezhkin)
Hindistan-Pakistan halkara serhediniň golaýynda, Jammudan 25 kilometr uzaklykda hindi daýhanlary ekin meýdanlaryndaky şaly hasylyny ýygnaýarlar. (epa-EFE/Jaipal Singh)
Siriýanyň pitneçileriň gol astyndaky Douma sebitinde geçirilen harby dabarada "Jaiş al-Yslam" toparynyň bir esgeri oduň ýokarsyndaky demir tegelegiň içinden böküp geçýär. "Jaiş al-Yslam" topary Siriýada alty ýyl bäri dowam edýän raýat urşunda siriýa hökümetine garşy göreşýän esasy pitneçi toparlaryň biridir. (epa-EFE/Mohammed Badra)
Minskde bir gyz Albert Eýnşteýniň keşbini şekillendirýän eseriň öňünden geçip barýar. (AFP/Sergei Gapon)
Russiýanyň prezidenti Wladimir Putin we rus prawoslaw kilisesiniň ýolbaşçysy Patriarh Kirill sowet döwrüniň syýasy repressiýasynyň pidalarynyň hatyrasyna gurlan ýurduň ilkinji milli ýadygärliginiň açylyş dabarasyna gatnaşýarlar. Moskwada ýerleşýän bu ýadygärlik "Hasrat diwary" diýlip atlandyrylýar. (Reuters/Alexander Nemenov)
Nepalyň Lalitpur sebitindäki Hokana obasynda daýhan şaly hasylyny ýygnaýar. (Reuters/Navesh Chitrakar)
Hyratyň çetinde owgan zenany ekin meýdanlaryndan şafran, ýagny zagpyran güllerini ýygnaýar. (AFP/Hoshang Hashmi)
Owganystanda öz ýaşaýan ýerinden göçmäge mejbur edilen owgan çagasy Kabulyň çetindäki öýüniň golaýynda doňdurma iýýär. (AP/Rahmat Gul)
29-njy oktýabrda halas ediş gullugynyň işgärleri Berlinde turan güýçli ýel zerarly gopup, ulagyň üstüne ýykylan agajy aýyrmaga synanyşýarlar. (Reuters/Fabrizio Bensch)