Region görnüşleri # 48
Owgan studentleri medisina hünärini berýän Mamon Tahiri institutyny tamamlap, gutardyş dabarasyna gatnaşýarlar. Kandahar. (EPA-EFE/Muhammad Sadiq)
Pakistan harbylary Halkara goranyş sergi-seminarynda terrorçylyga garşy göreş ukyplaryny görkezýärler. Karaçi. (Reuters/Akhtar Soomro)
Hindistanyň Howa güýçlerine täze alnan esgerler hindi prezidentiniň standartlary we reňkleri tomaşasy mahalynda türgenleşik geçýärler. Borjhar howa bazasy, Guwahati. (AFP/Biju Boro)
G20 summitiniň garşydaşlary Buenos Aýresde, Kongresiň daş işiginde ABŞ-nyň prezidenti Donald Trampyň şekilindäki äpet gurjaga ýel berýärler. (AP/Emiliana Miguelez)
Günogar Sibiriň Ýakutsk şäheriniň merkezinde, howanyň temperaturasy Selsiýa ölçegleri boýunça -39 derejä düşende köçede gürleşip duran iki adam. (AFP/Mladen Antonov)
Ýewropanyň merkezi Polşada, Belhatowda ýerleşýän iň uly lignit elektrik stansiýasynyň üstüne abnan tüsse buludy. "Greenpeace" toparynyň tebigaty goraýjy aktiwistleri geljek hepde Polşada geçiriljek kimat sammitine gatnaşyjylaryň ünsüni kömür ulanmagy azaltmak meselesine çekmek üçin bu stansiýanyň 180 metrlik tüsse çykar diňiniň depesine çykdylar. (AP/Czarek Sokolowski)
Oba adamlary suw edinmek üçin buz toplaýan mahallary sowuk howa gyzgyn suw sepip, onuň doňup galyşyna syn edýärler. Oý, Ýakutskdan 70 km uzaklykda, aýazyň selsiýa boýunça -41 derejä ýeten ýeri. Ýakutia respublikasynyň adamlary aşa sowuk howaly günlerde buz eredip, suw edinmeli bolýarlar. (AFP/Mladen Antonov)
Makedoniýa. 28-nji noýabr. Skopýede hökümete garşy ýörişe taýýar bolan adamlar baýdak galgadyp, yşarat edýärler. Müňlerçe adamyň goşulan ýörişi esasy oppozisiýa partiýasy - VMRO-DPMNE tarapyndan gurnaldy, olar hökümetiň işden çekilmegini talap edýärler. (AFP/Robert Atanasovski)
Kiýew. Ukrain milletçileriniň protestleri mahalynda tüsse granatlary bilen hüjüm edilen söwda meýdançasyndan çykyp barýan adamlar. Aktiwistler Ukrainada rus eýeçiligindäki biznesleriň bolmagyna garşy çykdylar. (EPA-EFE/Stepan Franko)
"Ölüm çarhynda" ýüzi perdeli motor sürýän hokgabaz. Bangkok, Taýland. (Reuters/Athit Perawongmetha)
Kiýew. Sowet döwrüniň rus-ukrain dostlugy ýadygärliginde hudožnikler tarapyndan ýasalan jaýryk. Bu taslama iki goňşy ýurduň arasyndaky gatnaşyklaryň günogar Ukrainada, Kremliň goldawynda turan uruşdan bäri nähili ýaramazlaşandygyna ünsi çekmek üçin döredildi. (AP/Efrem Lukatsky)
Hindi işçileri ýetip gelýän Kumbh Mela festiwalyna taýýarlygyň çäginde Gang derýasynyň üstünden ýüzýän köpri gurmak üçin äpet pantonlary ýüp bilen çekip getirýärler. Allahabad, Hindistan. (AP/Rajesh Kumar Singh)
Moskwa. Twer bulwaryndaky köçe süpürijiler. (TASS/Viktor Drachev)
Minskden 115 km çemesi uzaklykdaky belarus obasynyň, Briliniň ýanynda bolan söweşi sahnalaşdyryp, 1812-nji ýyllrdaky fransuz esgerleriniň harby lybaslaryny geýen erkekler Napoleniň goşuny orsýetden yza çekilende bolan Brezina söweşiniň 206 ýyllygyny belleýärler. (AP/Sergei Grits)
Ýetimler öýüniň meýletinçi çagalary Maripulyň 25 km golaýyndaky Rybatske obasynyň alkymynda ukrain goşunynyň garymlarynda şäheri goraýjylara kömek berýärler. (AP/Sergei Vaganov)
Srinagardaky jaýynyň penjiresinden kaşmir separatistleriniň Kaşmirde bolan golaýdaky gandöküşiklige garşy çagyran iş taşlaýyşlaryny synlap duran adam. (Reuters/Danish Ismail)
Kiýew. Aşa sagçy aktiwistler Orsýet tarapyndan tutulyp saklanan iki ukrain gämisiniň ekipažyna goldaw üçin guralan ýyganyşykda şygarlara gygyrýarlar.(Reuters/Gleb Garanich)
Milli lybaslaryny geýen rumynlar Buharestde gurlup gutarylmadyk ybadathanada rumyn halkynyň halas bolmagyna bagyşlanan dini çärä gatnaşýarlar. Bu taslama harçlanan serişde mekdep ýa hasshana gurmaga ugrukdyrylsa gowy bolardy diýen tankytdan soň, dini çärä müňlerçe dindar toplandy. (AFP/Daniel Mihailescu)
Migrant zenan elde ýasalan ABŞ baýdagyny Meksika-ABŞ serhedinde derýa ýakasyna galdyrmaga kömekleşýär; Tijunadaky meksikan polisiýasyndan geçen migrantlar Birleşen Ştatlara aşmaga çalyşýarlar. (AP/Ramon Espinosa)
Buharest, Rumyniýa. Milli ybadathanada ýalkama çäreleri tamam bolandan soň boş oturgyçda oturyp, telefonda gürleşýän ruhany. (AP/Vadim Ghirda)