Kiýewiň etegindäki harby-türgenleşik meýdançasynda, aýallar päsgelçilik synaglaryny geçýärler, Kalaşnikow tüpeňlerinden atyp, ýörite taýýarlanan harby egin-eşikleri söweş şertlerinde özlerine amatly bolar ýaly, barlagdan geçirýärler
Ukrainanyň zenan harby gullukçylary täze egin-eşikleri synagdan geçirýärler
Ukrainanyň harby okuw jaýynyň diňleýjileri täze harby eşikde, Kiýewiň etegindäki türgenleşik meýdançasynda, okuw synaglaryny geçýärler. 2023-nji ýylyň 12-nji iýuly.
Türgenleşik söweş şertlerindäki ýaly geçirilýär. Türgenleşige gatnaşyjylar aýallar üçin ýörite taýýarlanan egin-eşiklerde tüpeň atýarlar.
Ukrainanyň Ýaragly Güýçlerinde 42 müňden gowrak aýal gulluk edýär, olaryň bäş müňe golaýy söweş birikmelerinde. Olara erkekler üçin tikilen eşik berilýär. "Arm Women Now" sosial başlangyjy zenan harby gullukçylary üçin tikilen, müňlerçe egin-eşik bagyş etdi. Harby eginbaş mugt paýlanylýar.
Ukrainanyň Ýaragly Güýçleriniň zenan harby gullukçylary adatça köp jübüli egin-eşik satyn almaly bolýarlar ýa-da beýleki ýurtlaryň ýaragly güýçlerinde, aýallara niýetlenen eşikleri satyn alýardylar.
Täze harby eşik geýen ukrain harby okuwçysynyň saçyny örýär.
Iň meşhur eşik XS we XXS ölçegler hasaplanýar. Ukrainanyň ähli zenan harby gullukçylary ýakyn wagtda täze biçimli egin-eşik alyp bilerler.
"Men ähli zenanlaryň egin-eşik almagyny isleýärin" diýip, başlangyjy esaslandyryjy, Petro Poroşenkonyň “Ýewropa raýdaşlyk” partiýasyndan, ukrain parlamentiniň agzasy Iryna Nikorak aýdýar. Onuň hökümete garaşly däl guramasy Goranmak ministrligi bilen bir ölçegdäki eşikleri satyn almak barada gepleşik geçirýär
Mugallym Kiýew şäheriniň etegindäki harby türgenleşik meýdançasynda, täze harby eşikdäki okuwça päsgelçilikden geçmäge kömek edýär.
Okuwçy gyzlar Kiýewiň etegindäki türgenleşik okuwynda. «Gyzlara özlerini amatly duýar ýaly, içki eşikleri tapmak gaty kyn. Harby gullukçylar tarapyndan geýilýän içki eşik möhüm mesele, ol adaty ýagdaýdaky eşiklerden tapawutlanýar» diýip, Nikorak düşündirýär.
«Meniň pikirime görä, eger aýal eline ýarag alyp, öz öýüni, maşgalasyny we ýurduny gorasa, onuň iň bolmanda amatly egin-eşigi bolmalydyr» diýip, Nikorak hasap edýär.
Ukrainanyň harby okuwçy gyzlary zenanlar üçin aýratyn niýetlenen täze harby eşikde.