Olimpiýa alawyna ot berildi
Londonda geçiriljek Olimpiýa oýunlarynyň dowamynda ýanyp durjak resmi alawa penşenbe güni bu oýunlaryň dörän ýeri bolan Gresiýanyň Olimpiýa şäherinde ot berildi. Indi bu Olimpiýa alawy Gresiýanyň çäginde 2,900 kilometr, soňra bolsa Britaniýanyň çäginde 12,800 kilometr ýol söküp, Londona 27-nji iýulda barar. Şol gün bu şäherde Olimpiýa oýunlarynyň açylyşy bolar.