Eger-de siz duýdansyz ýagdaýda öýüňizi terk etmeli bolsaňyz, siz ýanyňyz bilen nämeleri alardyňyz? BMG-niň Bosgunlar boýunça edarasy (UNHCR), 20-nji iýunda bellenilýän Bütindünýä bosgunlar gününe gabatlap, ýokarky soragy dürli adamlara berdi. Şol bir wagtda, bu agyr sorag köp adamyň adaty durmuşynda duş gelýär. Merkezi Ýewropa döwletlerinde ýaşaýan bosgunlar, öýlerini terk edenlerinde, ýanlary bilen ilkinji nobatda alan zatlary barada gürrüň berýärler.
Bosgunlar güni: Ýanyňyz bilen näme alardyňyz?
1
Sudanyň Bofe obasyna esgerler kürsäp girende, 20 ýaşly Magbola Alhani özüniň üç çagasy bilen ýurdy terk etmeli boldy. Ol ýany bilen bir gazançany alandygyny aýdýar. Alhadi gazançanyň çagalary üçin nahar bişirmäge amatlydygyny aýdýar.
2
Somarst we Nur Siriýadaky konfliktde özleriniň bir ýaşlyja gyzjagazyny ýitirdiler. Haçanda olar özleriniň beýleki iki çagasy bilen Bolgariýa göçmeli bolanlarynda, olar ýanlary bilen maşgala portretini alandyklaryny aýdýarlar.
3
Wais Owganystany 15 ýaşynda terk etmeli boldy. Ýerli komandirleriň gazaplylygyndan gaçyp çykan Wais, häzirki wagt Warşawada ýaşaýar. Wais: "Ejem maňa bir ýüzük bilen maşgala suratlarymyzy berip goýberdi. Olar meniň öýümi ýatladýar" diýýär.
4
Lina 2010-njy ýylda Gazany terk edip, Rumynýa göçdi. Ol ýany bilen özi üçin iň gymmat zatlary, ýagny dört çagasynyň hatlaryny we suratlaryny alandygyny aýdýar.